噚日出席完一個SK-II嘅活動，同兩個小朋友傾下咩關於夢想嘅話題。
夢想，每個人都一定有，只係有冇時刻提醒自己要努力實踐啫。我嘅夢想係開一間好靚、擺滿乾花嘅舖頭仔，賣下手作，又賣下簡單嘅嘢食。
但係同小朋友傾傾下，我發現返咗工之後呢一年，成日話好忙好攰，冇去練習、或者上衣車班，夢與想丟低很遠，好對唔住自己呢個夢想。
噚日畀小朋友問到我哋細個有咩夢想，而家仲係唔係堅持緊呢個夢想，簡直好似見到細個嘅自己坐時光機嚟質問廿年後嘅自己點解唔好好堅持想做嘅事咁。
我好驚過多十年再有小朋友咁問我，我又再心虛咁話「係呀我冇堅持呢個夢想喇…」，所以我決定，今日開始要畀心機努力鑽研手藝，唔好畀部衣車生晒雜草喇！
我相信只要堅持，夢想，一定唔止係「發夢」同「空想」。
#SKII #DreamAgain #ChangeDestiny
https://youtu.be/FEiKCY7icM4
Search